MY ILLUSTRATED SHORT STORIES Part 2

MY ILLUSTRATED SHORT STORIES Part 1

MAGANDANG araw mga kapatid. Tunghayan n'yo ang dalawa sa mga ginawa kong short stories noong nasa komiks pa ako. It does'nt mean na ang dalawang ito ang pinakamagagandang nagawa ko kaya ang mga ito ang inuna ko. Ang dalawa lang ito ang una kong nahugot sa patas ng isang rekwa kong files ...

KOMIKS: Extra Special
BILANG: 1727
TAON: 28
PETSA: Abril 22, 1994

TITLE: Ano ga 'yaaan?!
WRITER: Alquin M. Pulido
ILLUSTRATOR: Ruben Javier
EDITOR: Kc Cordero

(note: just click the page para sa mas malaki at mas malinaw na pagbabasa. thanks.)

KOMIKS: Pogi
BILANG: 1307
PETSA: Pebrero 19, 1997

TITLE: Bunga ng Kayabangan
WRITER: Alquin M. Pulido
ILLUSTRATOR: Mel C. Capital
EDITOR: Baby Alacar

Batikan at beterano pareho ang mga illustrators ko sa dalawang short stories na ito. Si RUBEN JAVIER, elementarya pa lang ako ay nakikita ko na ang kanyang mga obra sa komiks. Marami siyang nakatambal na magagaling at mga sikat na manunulat, kaya't sobrang proud ako at naging illustrator ko siya.

Beterano rin at napakahusay nitong si MEL C. CAPITAL lalo na sa comedy. Una kong hinangaan ang dibuho niya sa nobelang "TOM DULING" na hindi ko na ma-recall kung sino ang nobelista. Ipinagmamalaki kong naging illustrator ko siya.

Mga kapatid, remind ko lang 'yong mga joke books ko na BAL & SUBAS, TOPAK-ATTACK, PINOY DYOWK ACADEMY AT BULILIT SYNDICATE. Mabibili ang mga ito sa all branches ng National Book Store at iba pang book stores at magazine stands. Sana ay suportahan n'yo ako sa mga ito, pliiiiiiiiiiz!!! Click n'yo na lang sa archive ang "Silver Pages Publishing" for more details.

Maraming salamat at GOD bless sa inyong lahat. Hanggang sa susunod.

SILVER PAGES PUBLISHING

Hello, mga kapatid! Welcome sa "ANAK NG SINING" kung saan ay matutunghayan n'yo ang mga ginawa kong short stories, novels and cartoons sa komiks since late 80's to early 90's. Pinili ko lang ang alam kong su-swak sa inyong mga panlasa para na rin sa inyong ikasisiya.

Nakakalungkot isipin na ang industriya ng komiks ay tuluyan nang nalugmok dahil sa samu't saring kadahilanan. Tuluyan na yatang mabubura sa "mapa" ng entertainment ang libangang ito na minana pa natin sa ating mga aguwelo at aguwela. Iilan na lang ang mga tulad ko na hanggang ngayon ay tutoong nagmamahal pa rin dito.

Hindi ko iniwan ang komiks hanggang sa magmistula itong barko na lumulubog. Napilitan na lang akong "tumalon" nang mahulo kong mamamatay na ako dahil hindi ko kaya itong iahon nang mag-isa o naming iilan na lang na nagpapahalaga rito. Hindi ako takot mamatay. Ayaw ko lang mamatay dahil may pangarap o misyon pa akong ibig isakatuparan ... ang ibalik ang ningning ng komiks!

Suntok marahil ito sa buwan dahil minsan ay may isang "hari" na nagtangkang ibangon ang "kaharian" ng komiks, pero tila nauwi rin lang sa wala. Suntok man ito sa buwan, susuntok ako!

Pero sino ba ako? Ako ba ay isa ring "hari?" Well, isa lang po akong abang manunulat na nagkaroon ng maliit na pangalan sa larangan ng komiks. Pero hindi mawala-wala at patuloy pa rin sa paglaki ang pangarap na nakahinang na yata sa aking puso ... ang umasenso sa larangang ito ng sining.

Minsa'y naging katuwang ko sa pangarap na ito ang aking mahal na kapatid, pero bumalik siya sa PANGINOON na isang gutom. Naiwan akong mag-isang lumalaban. Isa pa ring gutom na alagad ng sining hanggang ngayon. Pero hindi ako susuko. Tuloy-tuloy lang ang laban!

Hindi pansariling interes lamang ang dahilan kung bakit gusto kong umasenso. Gusto ko ring matulungan ang mga kapwa ko writers at illustrators na ngayon ay walang publishing na mapaggawaan. Sayang ang hindi matatawarang talento nila na ngayon ay nabuburo lamang.

Salamat sa DIYOS, sa pamamagitan ng hindi birong pagsisikap ko at sa tulong na rin ng mga taong tutoong nagmamalasakit sa akin ay naitatag ko ang Silver Pages Publishing. Dito mag-uugat ang pag-usbong ng walang kamatayan kong pangarap.

Dahil kapos ako sa pera, marami akong nilapitang tao para makapagtayo ng isang publishing. Mga taong naglulungad sa pera. Pero walang nangyari. At sa maniwala kayo't sa hindi, isang karaniwang empleyada lang ang nakatugon sa aking problema para maging posible ang bagay na ito. Isang pangkaraniwang tao na mayaman ang malasakit at pagmamahal sa kapwa. Mundo, ipinagmamalaki ko pong ipakilala sa inyo ang aking hipag. Si Espie. Maraming salamat, Sis!

Gusto ko ring pasalamatan ang aking si Tita Opi na buo ang tiwala sa aking kakayahan. Siya lagi ang nagbibigay sa akin ng mapapagkakitaan sa oras ng kagipitan. Maraming salamat din sa aking kumpareng guwapo pa kay Edu Manzano na si Karlo Cesar Cordero a.k.a. KC Cordero (na noong hindi ko pa nakikita e idinambana ko sa aking puso sa pag-aakalang siya ay isang babae.) Isa siya sa tumulong para makapagtayo ako ng publishing. Tulad ni Tita Opi, isa rin siyang napakahusay na writer at editor. Sa kasalukuyan ay associate editor siya ng "The Buzz Magazine" at ng iba pang matatagumpay na babasahin ng ABS-CBN. Ang kompanya na 5 years ko ring pinaglingkuran bilang isang comedy writer. Ang huli kong pinagsulatan sa kanila ay ang "Goin' Bulilit". Sa Puntong ito ay gusto kong pasalamatan sina Headwriter Sherwin Buenvenida at Creative manager Ricky Victoria na siyang tumulong sa akin para makapagsulat sa naturang matagumpay at award winning na show. Ganoon din ang magaling na direktor na si Direk "Bobot" Mortiz. More power!

At siyempre, gusto ko ring pasalamatan ang aking circulation manager na si Armand Loquias na walang kahilig-hilig sa tsiks. One woman man, or should I say: woman hater? Siya po ang nag-aalok na parang bibingka sa mga book stores at magazine stands ng aking mga joke books. maraming salamat, Bro! Pasens'ya ka na muna kung kulang na kulang tayo sa barik, he he he!

Sisikapin po namin na maging matagumpay ang Silver Pages Publishing para pagdating ng araw ay makapag-publish din ako ng mga komiks. Miss na miss ko na ang mga kasamahan kong writers & illustrators. 'Yong mga ngiti n'yo at tango kapag nagkakabungguang-balikat tayo sa editorial office ng Atlas Publishing noon. Magkikitakitz uli tayo at magkakatrabaho someday. Promise!

Marami pa ring tao ngayon ang may mabubuting kalooban. I know susuportahan nila ang publishing namin tungo sa tagumpay ... sa tagumpay nating lahat.

Sa ngayon ay ako muna ang gumawa ng scripts & illustrations ng mga joke books (wala pa kasing pambayad sa writer at illustrator) na mabibili na ngayon sa lahat ng branches na National Book Store at iba pang mga book stores at magazine stands sa bansa. Naglunsad ako ng apat na titles sa ilalim ng Pinoy Komedi Haws. Narito po ang mga pabalat at ilang patikim ng kanilang mga jokes na tiyak na kagigiliwan n'yong lahat ...

BAL and SUBAS
ANG CRAZIEST DUO NA SUMMA CUM LAUDE SA KALOKOHAN

TOPAK-ATTACK
PARA SA MGA TULAD KONG MAY TOPAK

PINOY DYOWK ACADEMY
SELEKSIYON NG MGA PILING-PILING JOKES

BULILIT SYNDICATE
KINOPYA SA GOIN BULILIT, ESTE, INSPIRED BY GOIN' BULILIT